12 வயது சிறுவனுக்கு 9,00,000 ரியால்கள் அபராதம்!

சக நண்பன் ஒருவன் தீக்காயங்கள் அடைய காரணமாக இருந்தமைக்காக பன்னிரண்டு வயதேயான சிறுவனுக்கு சவூதி அரேபியாவின் துரைஃப் நகர நீதிமன்றம் சவூதி ரியால்கள் 9,00,000 அபராதம் விதித்துத் தீர்ப்பளித்துள்ளது.

ஃபாயிஸ் முஹம்மது அவ்வாத் என்னும் பெயருடைய அச்சிறுவன் தன் சக நண்பனுடன் பார்பிக்யூ எனப்படும் சுடுகோழி உணவு தயாரித்துக் கொண்டிருந்த போது, நண்பனின் வேண்டுகோளின் பேரிலேயே மண்ணெண்ணெய்க் குடுவையை எடுத்து வந்துள்ளான். சமைத்துக் கொண்டிருந்த கரி அடுப்பில் மண்ணெண்ணெய் ஊற்ற முற்பட்டபோது, அது காற்றின் வேகத்தாலோ என்னவோ நண்பனின் ஆடை மீதே முழுவதும் கொட்டியுள்ளது. உடனடியாக அந்நண்பன் தீக்காயங்களுக்கு உள்ளாகியுள்ளான்.

இச்சம்பவம் குறித்து சிறுவன் அவ்வாத் கூறுகையில் "இப்படி நண்பன் தீக்காயம் அடைவான் என்று தெரிந்திருந்தால், சுடுகோழி உணவு தயாரிக்கவே சென்றிருக்க மாட்டேன். இப்போது என் நண்பன் நலமாகவே இருக்கிறான். அவனுடன் எனக்கு இன்னமும் நல்ல நட்பும் உள்ளது" .

தந்தையை மணவிலக்கு செய்து வாழும் தாயுடன் வசித்து வரும் சிறுவன் அவ்வாத் ஆறுமுறை நீதிமன்ற விசாரணைக்காகச் சென்று வந்துள்ளான். இச்சம்பவம் குறித்து தன் தந்தையிடம் தெரிவிக்கவில்லை என்றாலும் ஒரு கட்டத்தில் அவர் அறியப்பெற்றார் என்றும், சிறுவர்கள் நீதிமன்றம செல்ல நேரிட்டால், தந்தை போன்ற பிரதான பொறுப்பாளர்கள் உடனிருக்க வேண்டும் என்று சட்ட விதி இருக்கும் போது, தன் மகன் தனியாகவே ஆறு நீதிமன்ற அமர்வுகளுக்குச் சென்று வந்துள்ளதை நீதிமன்றம் எவ்வாறு அனுமதித்தது என்று அவர் கேள்வி எழுப்பியதாகவும், தனக்காகவே தந்தை இவ்வழக்கில் மேல் முறையீடு செய்ய உள்ளதாகவும் சிறுவன் அவ்வாத் தெரிவித்துள்ளான்.

Posted by Unknown 12:32 AM 0 comments

சவூதி: நிதாகத் காலக்கெடு நீட்டிப்பு!

ஜித்தா: சவூதி அரசின் 'நிதாகத்' எனும் புதிய தொழிலாளர்  கொள்கையை கால நீட்டிப்பு செய்து சவூதி மன்னர் அப்துல்லாஹ் உத்தரவிட்டுள்ளார்.  

சவூதி  அரேபிய சட்டத்திற்கு புறம்பாக வாழும் வெளிநாட்டவர்கள் தங்கள் குடியுரிமையை சரி செய்துக்கொள்ள மூன்று மாத கெடு நாளையோடு (ஜூலை 3)  முடிவடைவதாக அறிவித்திருந்தது. அதன்பிறகு சிறைவாசம் மற்றும் அபராதம் விதிக்கப்படும் என்று கடுமையாக எச்சரித்து வந்தது.

இந்த நிலையில் பல்வேறு நிறுவனங்கள் மற்றும் சவூதி சமூக ஆர்வலர்களின் வேண்டுகோளை ஏற்று இதற்கான கெடு முஹர்ரம் 1, 1435 (நவம்பர் 4, 2013) வரை  நீட்டிக்கப்பட்டுள்ளதாக மன்னர் அப்துல்லாஹ் அறிவித்துள்ளார்.

பல்வேறு நாட்டு தூதரகங்கள் அந்தந்த நாடினருக்கான வேலைவாய்ப்பு முகாம் மற்றும் நாடு திரும்ப விரும்புபவர்களுக்கு சட்ட சிக்கல்களை முடித்துக்கொடுப்பது போன்ற உதவிகளை இரவு பகலாக செய்துவந்தன. இருப்பினும் ஐம்பது விழுக்காடுகூட முடிவடையாத நிலையில், இதற்கான கால அவகாசம் போதவில்லை என்று தூதரகங்கள்,பொதுமக்கள், தனியார் நிறுவனங்கள்  மற்றும் சவூதி அரசாங்க அலுவலகங்களும் கூறிவந்தது குறிப்பிடத் தக்கது.

Posted by Unknown 12:24 AM 0 comments

அமீரகத்தின் TOP 10 இந்தியர்கள்

துபாய், அபுதாபி, ஷார்ஜா உள்ளிட்ட மாகாணங்களை கொண்ட ஐக்கிய அரபு அமீரகத்தில் பல ஆண்டுகளுக்கு முன் தொழில் தொடங்கி வெற்றியாளர்களாக விளங்கும் இந்தியர்களின் பட்டியலை போர்ப்ஸ் இதழ் வெளியிட்டுள்ளது.

ஒவ்வொருவரின் சொத்து மதிப்பு, அவர்களின் பணியாட்களின் எண்ணிக்கை, வர்த்தக வரவு – செலவு, அவர்கள் அறப்பணிக்கு செலவிடும் தொகை, அவர்களின் ஆளுமை என பல்வேறு அம்சங்களை கருத்தில் கொண்டு இப்பட்டியல் தயாரிக்கப்பட்டுள்ளதாக போர்ப்ஸ் இதழ் தெரிவித்துள்ளது.

போர்ப்ஸ் இதழ் வெளியிட்டுள்ள பட்டியலின் படி வளைகுடாவில் 100க்கும் மேற்பட்ட லூலு அங்காடிகளை கொண்டுள்ள எம்கே குழுமத்தின் தலைவர் யூசுப் அலி முதலிடத்திலும், மேக்ஸ், செண்டர் பாயிண்ட் முதலான ரீடெயில் வணிக கடைகளை வைத்துள்ள லேண்ட்மார்க் குழுமத்தின் தலைவர் மிகி ஜக்தியானி இரண்டாம் இடத்திலும் யூ.ஏ.ஈ எக்ஸ்சேஞ்ச் மற்றும் என்.எம்.சி மருத்துவமனைகளின் தலைவர் பி.ஆர்.ஷெட்டி மூன்றாம் இடத்திலும் உள்ளனர்.

ஷோபா கட்டுமான குழுமத்தின் தலைவர் மேனன் நான்காம் இடத்திலும் ஜெம்ஸ் கல்வி குழுமங்களின் தலைவர் சன்னி வர்கி ஐந்தாம் இடத்திலும் மூப்பன் மருத்துவமனை குழுமங்களின் தலைவர் ஆசாத் மூப்பன் ஆறாம் இடத்திலும் டானுபே குழுமத்தின் தலைவர் ரிஜ்வான் சாஜான் ஏழாம் இடத்திலும் உள்ளனர்.

மேலும் இப்பட்டியலில் ஈ.டி.ஏ குழுமங்களின் தலைவரான தமிழகத்தை சார்ந்த சையது சலாஹுத்திம் எட்டாவது இடத்திலும் டோட்சால் குழும தலைவர் ராஜன் கிலாசந்த் ஒன்பதாவது இடத்திலும் அல் சிராவி குழும தலைவர் மோகன் வல்ரானி பத்தாவது இடத்திலும் உள்ளனர்.

Posted by Unknown 11:59 PM 0 comments

சவூதி புதிய தொழிலாளர் கொள்கை காலக்கெடு நீட்டிக்கப்படுமா?

ஜித்தா: சவூதி புதிய தொழிலாளார் கொள்கை (நிதாகத்) காலக்கெடுவை நீட்டிக்க பல்வேறு நிறுவனங்கள் கோரிக்கை விடுத்துள்ளன.

 சவூதி அரேபியா நாட்டில் புதிய தொழிலாளர் கொள்கையான நிதாகத் சட்டத்தின்படி, அந்நாட்டில் சட்ட விரோதமாக தங்கி பணிபுரியும் வெளிநாட்டவர்கள் தங்களது பணி நிலையை ஜூலை 3-ஆம் தேதிக்குள் சரி செய்து கொள்ள வேண்டும் என்று சவூதி அரசு காலக் கெடு விதித்துள்ளது. மேலும் இந்த குறிப்பிட்ட தேதிக்குள் சரி செய்து கொள்ளாத வெளிநாட்டவர்கள் மீது அபராதம் மற்றும் சிறை தண்டனை வழங்கப்படும் என்றும் சவூதி அரசு எச்சரித்துள்ளது.

இந்த நிலையில் இன்னும் பலரின் பணி நிலை சரி செய்யப்படவில்லை என்றும். மீதமுள்ள இந்த குறுகிய நாட்களுக்குள் அது சாத்தியமில்லை என்றும் நவம்பர் 4-ஆம் தேதி (Muharram 1, 1435) வரை கால நீட்டிப்பை அதிகரிக்க வேண்டும் என்றும் ஜித்தா தொழிலாளர்கள் மற்றும் ஒப்பந்தக்காரர்கள் குழுவின் தலைவர் அப்துல்லாஹ் ரித்வான் சவூதி அரசுக்கு வேண்டுகோள் விடுத்துள்ளார்.

இதுகுறித்து அந்நாட்டு மன்னர் அப்துல்லாஹ் அவர்களுக்கு ஏற்கனவே வேண்டுகோள் கோரிக்கை வைத்திருப்பதாகவும். அவரிடமிருந்து நல்ல பதிலை எதிர் பார்ப்பதாகவும் ஜித்தாவில் நேற்று நடைபெற்ற வர்த்தக சபை கூட்டத்தில் ரித்வான் தெரிவித்தார்.

இதற்கிடையே 90 சதவீத பணிகள் முடிந்து விட்டதாகவும், துரித பணிகள் மூலமாக பலர் நாடு கடத்தப்பட்டுள்ளதாகவும். கால நீட்டிப்பிற்கு சாத்தியமில்லை என்றும் ஜித்தா தொழிலாளர் அமைச்சக வட்டாரங்கள் தெரிவிக்கின்றன.

Posted by Unknown 11:26 PM 0 comments

மகனுக்காக அரியணை துறக்கிறார் கட்டார் மன்னர்

கட்டார் மன்னர், அவரது மகனை புதிய மன்னராக முடிசூட்டுவதற்காக தனது 

அரியாசனத்தை துறக்கவுள்ளதாக அறிவித்துள்ளார்.

தமது இராச்சியத்தை இளைய தலைமுறையின் கையில் ஒப்படைப்பதற்கான காலம் வந்துள்ளதாக மன்னர் ஷேக் ஹமாத் பின் கலிஃபா அல் தானி தொலைக்காட்சியில் அறிவத்துள்ளார்.

பிரிட்டனில் கல்விகற்ற கட்டார் முடிக்குரிய இளவரசர் ஷேக் தமீம், அவரது 33-வது வயதில் மன்னராக முடிசூட்டப்படுகிறார்.

வளைகுடா அரபுநாடுகளில் இப்படியான    அரியணை மாற்றம் நடப்பதில்லை என்று செய்தியாளர்கள் சுட்டிக்காட்டுகின்றனர்.

இந்த நாடுகளில் மன்னர் ஒருவர் உயிரிழக்கும்வரை ஆட்சியில் இருப்பார்.

பிராந்தியத்தில் அரசியல் செல்வாக்கு

புதிதாக முடிசூட்டுகின்ற ஷேக் தமீம் அவரது தந்தையின் கொள்கைகளிலிருந்து விலகமாட்டார் என்றே எதிர்பார்க்கப்படுகிறது.

மன்னர் ஷேக் ஹமாத் பின் கலிஃபா அல் தானி கட்டாரை பிராந்தியத்தில் அரசியல் செல்வாக்குமிக்க நாடாக மாற்றியவர்.

அரபுலகில் தொடங்கிய வசந்தகால புரட்சிக்கு ஆதரவான போக்கைக் கொண்ட மன்னர், லிபிய மற்றும் சிரியா கிளர்ச்சிகளிலும் கிளர்ச்சியாளர்களின் பக்கமே நிற்கின்றார்.

எண்ணெய் வளம் மிக்க நாடான கட்டார் அண்மைய ஆண்டுகளில் மிகவும் செல்வந்த நாடாக வளர்ந்துள்ளது.

அல் ஜசீரா தொலைக்காட்சியை நிறுவியமை, புகழ்பெற்ற லண்டன் ஹரோட்ஸ் ஆடம்பர சந்தையை வாங்கியமை போன்ற நடவடிக்கைகள் அந்நாட்டின் செல்வ வளத்தை காட்டுகின்றன.

Source: Al Jazeera

Sheikh Tamim bin Hamad, the 33-year-old crown prince is to take over the leadership of the gas-rich Gulf 

Posted by Unknown 12:50 AM 0 comments

சவூதி: வார விடுமுறை நாள்கள் மாற்றம்!

சவூதி மன்னர் அப்துல்லாஹ் பின் அப்துல் அஸீஸ் இன்று வெளியிட்டுள்ள அரசாணை ஒன்றின் மூலமாக

சவூதி வார விடுமுறை நாள்களை வியாழன் வெள்ளி என்பதிலிருந்து வெள்ளி, சனி என்று மாற்றி அமைத்து உத்தரவிட்டுள்ளார்.

அரசாணையில் குறிப்பிடப்பட்டுள்ளதாவது:

1). அமைச்சகங்கள், நிதியகங்கள், அரசு அலுவலகங்கள், சவூதி மைய வங்கி, பங்குச் சந்தை, ஆகியவை இனி ஞாயிறு முதல் வியாழன் வரை இயங்கும். வெள்ளி, சனி ஆகிய இரு நாள்கள் இனி வார விடுமுறையாகக் கருதப்படும். இந்த மாற்றம் இம்மாதம் 29 ஜூன் முதலே நடைமுறைப்படுத்தப்படும்.

2). பல்கலைக்கழகங்கள், கல்லூரிகள், பாட சாலைகள் ஆகியவை இந்த விடுமுறை நாள் மாற்றத்தை அடுத்த கல்வியாண்டு முதல் நடைமுறைப்படுத்த வேண்டும்.

(குறிப்பு - குவைத்தில் இதே போன்று வெள்ளி,மற்றும் சனிக்கிழமைகள் அரசாங்க வார விடுமுறை நாட்களாகும்...)

Posted by Unknown 1:15 AM 0 comments

துபாயில் புனித அல்-குர்ஆனின் வசனங்களை விபரிக்கும் பூங்கா விரைவில் திறக்கப்படும்

புனித அல்-குர்ஆனில் குறிப்பிடப்பட்ட இயற்கை மரங்கள் மற்றும் தாவரங்களை மாத்திரம் கொண்ட மாபெரும் பொது பூங்கா ஒன்றை வரும் வருடம் செப்டம்பர் மாதம் துபாயில் திறக்கப்படவுள்ளதாக துபாய் அமீரக பத்திரிக்கை “த நேசனல்” இன்று செய்தி வெளியிடுள்ளது.

அல் கவானீஜ் எனும் இடத்தில் அமையவுள்ள இந்த “புனித அல்-குர்ஆன் பூங்கா” 13 தோட்டங்கள் உள்ளடக்கியதாக 60 ஹெக்டேர் நிலப்பரப்பை விசாலமாக கொண்டுள்ளது.

புனித அல்-குர்ஆனில் கூறப்பட்ட 50 இன தாவரங்களில் 49 இனங்கள் இங்கு நடப்படவுள்ளது என துபாய் அமீரக நகராட்சி மன்ற இயக்குனர் ஹுசைன் தெரிவித்துள்ளார்.

புனித அல்-குர்ஆனில் கூறப்பட்ட தாவரங்களில் இங்கு விடுபட உள்ளது ‘சக்கும்’ (zaqqoum)  எனும் மரமாகும். புனித அல்-குர்ஆனின் வசனப்படி இந்த மரம் நரகத்தில்தான் காணப்படும்.

அத்தோட்டத்தின் நடுவே, குளிர்சாதன வசதிகள் பொருத்தப்பட்ட குகைப்பாதை ஒன்று அமைக்கப்படும் அதன் இருபுறங்களிலும் குரானின் காட்சிகள் ஒளி, ஒலி விளக்கங்களுடன் சித்தரிக்கப்பட்டு இருக்கும்.

இந்தப் பூங்கா வரும் 2014ஆம் ஆண்டு செப்டெம்பர் மாதம் பொதுமக்களின் பயன்பாட்டுக்குத் திறக்கப்படும்.

மேற்கத்திய நாடுகளின் சுற்றுலா முறைகளைப் பின்பற்றிய விதத்தில் அமையவிருக்கும் இந்தப் பூங்காவிற்கு ஏராளமான முஸ்லிம் மக்களும் வருவார்கள் என்பது அரசின் எண்ணமாக இருக்கின்றது. ஆயினும், இதனை எதிர்ப்பவர்களும் இருக்கின்றனர்.

Posted by Unknown 11:49 PM 0 comments

மீண்டும் கலைக்கப்பட்டது குவைத் பாராளுமன்றம்!

குவைத்: குவைத் பாராளுமன்றத்தை கலைத்து அரசியலமைப்பு நீதிமன்றம் உத்தரவிட்டுள்ளது.

வளைகுடா நாடுகளில் ஒன்றான குவைத், செல்வம் கொழிக்கும் எண்ணை வளமிக்க நாடாகும். இங்கு, கடந்த பிப்ரவரி 2012-ஆம் ஆண்டு  50 உறுப்பினர்களைக் கொண்ட பாராளுமன்றத்திற்கு நடைப்பெற்ற தேர்தலில் முறைகேடுகள் நடந்ததாக கூறி ஜூன் மாதம் பாராளுமன்றத்தை கலைத்து அந்நாட்டின் அரசியலமைப்பு நீதிமன்றம் உத்தரவிட்டது.

இதனையடுத்து,  2012-ஆம் ஆண்டு டிசம்பர் மாதம் பாராளுமன்றத்திற்கு மறு தேர்தல் நடைப்பெற்றது. அது சமயம், வாக்காளர்கள் ஒவ்வொருவரும் அதிகபட்சமாக நான்கு நாடாளுமன்ற உறுப்பினர்களுக்கு வாக்களிக்காலாம் என்ற சட்டத்தை நீக்கி ஒரு வாக்காளர் ஒருவருக்கு மட்டுமே வாக்களிக்கலாம் என்று அந்நாட்டு மன்னர் ஷேக் சபாஹ் அல் அஹமத் அல் சபா உத்தரவிட்டதையடுத்து, இச்சட்ட திருத்தங்களை நீக்கக் கோரி எதிர் கட்சியினர் இத்தேர்தலை புறக்கணித்திருந்தனர். மேலும் பல்வேறு போராட்டங்களையும் அவர்கள் முன்னெடுத்து வந்தனர்.

இந்நிலையில், டிசம்பர் தேர்தலில் தேர்ந்தெடுக்கப்பட்ட இந்த பாராளுமன்றத்தையும் கலைத்து அந்நாட்டின் அரசியலமைப்பு நீதிமன்றம் நேற்று உத்தரவிட்டுள்ளது. இருந்த போதிலும், ஒரு வாக்காளர் ஒருவருக்கு மட்டுமே வாக்களிக்கலாம் என்ற அந்நாட்டு மன்னரின் உத்தரவை நீதிமன்றம் உறுதி செய்துள்ளது.

மறு தேர்தலுக்கான தேதியை மன்னர் ஷேக் சபாஹ் அல் அஹமத் அல் சபா விரைவில் அறிவிப்பார் என்று எதிர்பார்க்கப்படுகின்றது.

Posted by Unknown 11:53 PM 0 comments

சவூதி: இந்த ஆண்டு ஹஜ் பயனர் எண்ணிக்கையை 20 % குறைக்க முடிவு

வருடந்தோறும் முஸ்லிம்கள் புனித மக்கா நகரில் ஹஜ் கடமையை நிறைவேற்றுவது வழக்கம்.

சுமார் 30 இலட்சத்திற்கும் மேற்பட்ட எண்ணிக்கையில் மக்கள் கூடும் இந்த ஆன்மிக மாநாட்டில்  கலந்து கொள்ளும் வெளிநாட்டு யாத்ரீகர்களின் எண்ணிக்கையை இந்த ஆண்டு 20 விழுக்காடு குறைப்பதற்கு சவூதி அரசு திட்டமிட்டுள்ளது. அடுத்தடுத்த ஓரிரு ஆண்டுகளிலும் இந்த நடவடிக்கையே தொடரலாம்  என்றும் கூறப்பட்டுள்ளது.

மக்காவிலுள்ள புனிதப் பள்ளியில் விரிவாக்கப் பணிகள் தொடர்ந்து நடைபெற்று வருவதையடுத்து, சவூதி அரசு இந்த முடிவுக்கு வந்துள்ளதாகத் தெரிகிறது. விரிவாக்கப் பணிகள் முடிவடைந்ததும்,  மிகவும் அதிகக் கொள்ளளவில் யாத்ரிகர்கள் தங்கள் கடமைகளை நிறைவேற்றும் விதமாக இருக்கும் என்று கூறப்படுகிறது. எடுத்துக்காட்டாக, தற்போது புனித ஆலயத்தை சுற்றிவரும் பாதையில் சுமார் 30, 000 யாத்ரிகர்கள் ஒரு மணி நேரத்தில்   கடமையாற்றலாம் என்றால், விரிவாக்கப் பணிகளுக்குப் பின்னர் இத்தொகை 1,30,000 பேர்களாக அமையும் என்று தெரிவிக்கப்பட்டுள்ளது.

புனிதப் பள்ளியில் எட்டு கட்டுமானத் திட்டங்களின் கீழ் சுமார் 10,000 பணியாளர்கள் விரிவாக்கப் பணிகளில் ஈடுபட்டு வருகின்றனர் என்பதும் குறிக்கத்தக்கது.

Posted by Unknown 11:13 PM 0 comments

குவைத்: மன்மோகன் தலையீட்டால் தமிழக இளைஞர்களுக்கான தூக்குத் தண்டனை நிறுத்தம்

குவைத்தில் தமிழக இளைஞர்கள் இருவருக்கு விதிக்கப்பட்ட தூக்குத் தண்டனை தற்காலிகமாக நிறுத்திவைக்கப்பட்டுள்ளது.

இதுபற்றிய விவரம் வருமாறு:

குவைத்தில் கடந்த 2008ம் ஆண்டு பாத்திமா எனும் இலங்கைப் பெண் கொல்லப்பட்டார். இது தொடர்பாக சுரேஷ், தாஸ், என்னும் இரு தமிழக இளைஞர்களும் நித்யா எனும் இலங்கையருமாக மொத்தம் மூவர் கைது செய்யப்பட்டு சிறையில் அடைக்கப்பட்டனர்.

கும்பகோணத்தை சேர்ந்த தாஸ், தனக்கு மாத்திரமே இக்கொலையில் பொறுப்பிருப்பதாகவும், சுரேஷுக்கு இதில் எந்த தொடர்பும் இல்லை என்றும் அளித்த  வாக்குமூலத்தை குவைத் காவல்துறை ஏற்கவில்லை.

இக்கொலை வழக்கில் சுரேஷ், தாஸ் ஆகியோருக்கு தூக்குத் தண்டனையும், இலங்கையை சேர்ந்த நிதியாவுக்கு ஆயுள் தண்டனையும் விதிக்கப்பட்டன.

சுரேஷ் தாஸ் ஆகியோரின் தூக்குத்தண்டனைக்கான தேதி அறிவிக்கப்பட்டதும், சுரேஷின் தந்தை ஷண்முக சுந்திரம் நாகை தொகுதி நாடாளுமன்ற உறுப்பினர் விஜயனின் உதவியுடன் நேரடியாக இந்தியப் பிரதமர் மன்மோகன் சிங்கிடம் தன் மகன் மீதான தண்டனையை நிறுத்திவைக்க குவைத் அரசை வேண்டும்படி வேண்டுகோள் விடுத்தார்.

இவ்வேண்டுகோளை ஏற்ற பிரதமர் மன்மோகன் சிங் குவைத் அரசுடன் நேரடியாகத் தொடர்புகொண்டதன் விளைவாக சுரேஷ் மற்றும் தாஸ் ஆகியோரின் தூக்குத்தண்டனை தற்காலிகமாக நிறுத்தப்பட்டுள்ளது.

முற்றிலும் தண்டனையிலிருந்து விலக்கு அளிக்க உதவும்படி சுரேஷின் தாயார் மேலும் மனுச் செய்துள்ளதாகத் தெரிகிறது.

Posted by Unknown 10:36 PM 0 comments

ஈரானின் புதிய ஜனாதிபதியாக ஹஸன் ரூஹானி தேர்வு!!

டெஹ்ரான் - ஈரானின் புதிய ஜனாதிபதியாக ஹஸன் ரூஹானி தேர்ந்தெடுக்கப்பட்டுள்ளார். 

ஈரானில் நேற்று புதிய ஜனாதிபதியைத் தேர்ந்தெடுப்பதற்கான தேர்தல் நடைபெற்றது. இதில் 73 சதவிகித மக்கள் வாக்களித்தனர். ஆறு பேர் கலந்துக் கொண்ட ஜனாதிபதி தேர்தலில் ஹஸன் ரூஹானி வெற்றி பெற்றுள்ளார். வாக்களிக்கப்பட்ட 36, 704,156 வாக்குகளில், இவர் 18,613,329 வாக்குகளைப் பெற்று வெற்றி பெற்றுள்ளார். இவர் முன்னாள் ஜனாதிபதி அக்பர் ஹாஷ்மி ரப்சஞ்சானியின் ஆதரவைப் பெற்றவர் என்பது குறிப்பிடத்தக்கது.

13.11.1948 அன்று பிறந்த ரூஹானி, இங்கிலாந்திலுள்ள கிளாஸ்கோ பல்கலைக்கழகத்தில் முதுகலைப்பட்டம் படித்தவர். 65 வயதான இவர் ஒரு மதகுருவும் ஆவார்.  முன்னாள் ஜனாதிபதி கொமேனியின் ஆட்சி முதல் 2000 ஆம் ஆண்டு வரை ஈரானின் அமைச்சரவையில் தொடர்ந்து பதவி வகித்தவர் ஆவார். 

ஆங்கிலம், அரபி மற்றும் பெர்சிய மொழிகளில் சரளமாக உரையாடும் ரூஹானி, ஏறத்தாழ 100 புத்தகங்கள் எழுதியுள்ளார். முன்னாள் ஜனாதிபதி அஹமதிநிஜாதை இவர் தனது பரப்புரையின் போது கடுமையாக விமர்சித்து வந்தார். ஈரானின் பதினோராவது ஜனாதிபதியாக ஹஸன் ரூஹானி பதவியேற்க உள்ளார். 

கடுமையான நிதி நெருக்கடிக்குள்ளாகி இருக்கும் ஈரானை எவ்வாறு அதிலிருந்து மீட்டெடுப்பது என்பதுதான் புதிய ஜனாதிபதியின் கடுமையான சவாலாக இருக்கும் என அரசியல் ஆய்வாளர்கள் தெரிவித்துள்ளனர். கண்டம் விட்டு கண்டம் பாயும் ஏவுகணை உள்ளது ஆனால் உணவிற்கு சப்பாத்தி இல்லை என்பதுதான் ஈரானின் நிலையாக உள்ளது என அவர்கள் தெரிவித்துள்ளனர்.

Posted by Unknown 12:19 AM 0 comments

துபாயில் உலகின் உயரமான பின்னல் கோபுரம்

துபாய் : உலகின் மிக உயரமான கட்டிடமான புர்ஜ் கலிபா உள்ளிட்ட மிகப் பெரும் கட்டிடங்களை கொண்டுள்ள துபாயில் தற்போது உலகின் மிக உயரமான பின்னல் கோபுரம் கட்டப்பட்டுள்ளது.

உலகின் மிக உயரமான கட்டிடமான பர்ஜ் கலிபா, உலகின் மிகப் பெரும் குடியிருப்பு கட்டிடம் , உலகின் மிகப் பெரும் ஹோட்டல் உள்ளிட்ட பல்வேறு கட்டிடங்கள் துபாயில் உள்ளது அறிந்ததே. அவ்வரிசையில் தற்போது உலகின் உயரமான பின்னல் கோபுரம் கட்டப்பட்டுள்ளது.

துபாயில் உள்ள துபாய் மெரினா எனும் பகுதியில் 272 மில்லியன் டாலர் செலவில் கட்டப்பட்டுள்ள கயான் கோபுரம் கீழிலிருந்து மேல் வரை 90 டிகிரி கோணத்தில் கட்டப்பட்டுள்ளது குறிப்பிடத்தக்கது. 75 மாடிகள் கொண்ட கேனல் கோபுரம் 1017 அடி உயரம் கொண்டதாகும்.

2006ல் தொடங்கப்பட்ட இக்கோபுரம் தொழில்நுட்ப காரணங்களால் இடை நிறுத்தப்பட்டு பின் 2009ல் ஏற்பட்ட பொருளாதார நெருக்கடியால் நிறுத்தப்பட்டு இருந்தது குறிப்பிடப்பட வேண்டிய ஒன்றாகும். தற்போது இக்கோபுரத்தின் 80 சதவிகித குடியிருப்புகள் ஏற்கனவே விற்று விட்டதாக இக்கோபுரத்தை நிர்வகிக்கும் கயன் ரியல் எஸ்டேட் நிறுவனம் தெரிவித்துள்ளது.

Posted by Unknown 1:14 AM 0 comments

சவூதி "விதிமுறை மீறல் & அபராதங்களின் பட்டியல்"தெரிந்து கொள்வோம்

சவூதி உள்துறை அமைச்சகம் வெளியிட்டுள்ள 
"விதிமுறை மீறல் & அபராதங்களின் பட்டியல்" 
(08.04.2013 தேதிப்படி) வெளியிட்டுள்ளது அதனை பார்க்கும் சகோதரர்கள்  பிறருக்கும் கொண்டு செல்லுங்கள்....


1. இக்காமா காலாவதி ஆகும் தேதிக்கு (எக்ஸ்பைரி தேதி) 3 நாட்கள் முன்னதாக, இக்காமாவை புதுப்பிக்க (ரெனிவ் செய்ய) சமர்ப்பிக்க வேண்டும்.

மீறினால்: இக்காமா கட்டணத்தின் இருமடங்கு செலுத்த வேண்டும்

2. அரசு அதிகாரிகள் இக்காமா-வை காண்பிக்கச் சொல்லி கேட்கும்போது, தகுந்த காரணங்கள் அன்றியே அல்லாமல், காண்பிக்க வேண்டும்

மீறினால்: முதல் முறை - SR 1000 அபராதம்; இரண்டாம் முறை - SR 2000 அபராதம்; மூன்றாம் முறை - SR 3000 அபராதம்

3. எக்ஸிட்-ரீஎன்ட்ரி விசாவையோ அல்லது ஃபைனல் எக்ஸிட் விசாவையோ பயன்படுத்தாமல் இருந்தால், முறையாக கேன்ஸல் செய்ய வேண்டும்.

மீறினால்: முதல் முறை - SR 1000 அபராதம்; இரண்டாம் முறை - SR 2000 அபராதம்; மூன்றாம் முறை - SR 3000 அபராதம்

4. இக்காமா தொலைந்து விட்டால், தொலைந்த 24 மணி நேரத்திற்குள் புகார் செய்ய வேண்டும்.

மீறினால்: முதல் முறை - SR 1000 அபராதம்; இரண்டாம் முறை - SR 2000 அபராதம்; மூன்றாம் முறை - SR 3000 அபராதம்

5. ஃபேமிலி விசாவில் குடும்பத்தோடு வசிப்பவர்களின் மனைவியோ, பிள்ளைகளோ சவூதியில் பணி புரிய அனுமதி இல்லை.

மீறினால்: முதல் முறை - SR 1000 அபராதம்; இரண்டாம் முறை - SR 2000 அபராதம்; மூன்றாம் முறை - SR 3000 அபராதம் மற்றும் யார் இக்காமாவில் ஃபேமிலி விசா உள்ளதோ அவர் சவூதியில் இருந்து எக்ஸிட்டில் அனுப்பப்படுவார்.

6. விசிட், பிஸினஸ் அல்லது உம்ரா/ஹஜ் விசாவில் வருபவர்கள், அவர்களது விசா தேதி காலாவதி ஆகும் முன், சவூதியை விட்டு வெளியேறி விட வேண்டும். மேலும், உம்ரா/ஹஜ் விசாவில் வந்தவர்கள், மக்கா, ஜெத்தா மற்றும் மதீனாவைத் தவிர வேறெந்த நகரங்களும் செல்லக்கூடாது.

மீறினால்: சிறை மற்றும் அபராதம்; மேலும் சவூதியை விட்டு வெளியேற்றப்படுவார். மேலும், யார் இக்காமாவில் விசிட் விசா எடுக்கப்பட்டதோ அவரும் சவூதியில் இருந்து எக்ஸிட்டில் அனுப்பப்படுவார்.

7. விசிட் விசாவில் வந்து சவூதியில் வேலை பார்க்க அனுமதி இல்லை.

மீறினால்: சவூதியில் இருந்து வெளியேற்றப்படுவார். அவருக்கு வேலை கொடுத்தவர் "வெளிநாட்டவராக" (இக்காமா வைத்திருப்பவர் - Expatriate) இருந்தால், அவரும் சவூதியில் இருந்து எக்ஸிட்டில் அனுப்பப்படலாம்

8. இக்காமா / விசா ஆகியவற்றை டூப்ளிகேட்டாக செய்தல் அல்லது செய்ய உதவுதல், இதர ஆவணங்களை ஃபோர்ஜரி செய்வது, விசாக்களை விற்பது ஆகியவை கடுங்குற்றமாகும்.

மீறினால்: SR 10000 அபராதமும் (அல்லது) 3 மாத சிறைத் தண்டனையும் (அல்லது) இரண்டும் விதிக்கப்பட்டு இருவரும் சவூதியில் இருந்து எக்ஸிட்டில் அனுப்பப்படுவர்.

9. ஹஜ்/உம்ரா விசா தேதி காலாவதி ஆனவர்களை வேலைக்கு அமர்த்துவது; அவர்களுக்கு இருக்க இடம் கொடுப்பது; புகலிடம் அளிப்பது; வாடகைக்கு வீடு கொடுப்பது, அவர்களை வாகனங்களில் அழைத்துச் செல்வது முதலானவை குற்றமாகும்,

மீறினால்: உதவியவருக்கு SR 10000 அபராதம் மற்றும் ஒரு மாத சிறைத் தண்டனை. மேலும், சவூதியில் இருந்து எக்ஸிட்டில் அனுப்பப்படுவார். எத்தனை பேருக்கு அவ்வாறு உதவினோமோ, அத்தனை முறை அபராதம் மற்றும் சிறைத் தண்டனை கூடும்.

10. தன்னுடைய கஃபீல் / நிறுவனத்திற்கு வேலை செய்யாமல், பிற கஃபீல்/நிறுவனம்/சொந்த தொழில் செய்வது - பணி புரிவது குற்றம். மேலும், தன்னுடைய கஃபீலிடமிருந்து ரிலீஸ் லட்டர் வாங்கி, தற்போது பணிபுரியும் நிறுவத்தில் "கஃபாலத் - ஸ்பான்ஸர்ஷிப்" மாற்றாமல் வேலை செய்வதும் குற்றம்.

மீறினால்: இக்காமா கேன்ஸல் செய்யப்பட்டு சவூதியிலிருந்து வெளியேற்றப்படுவார். வெளியேற்றப்பட்ட தேதியிலிருந்து இரு வருடங்களுக்கு சவூதிக்கு புது விசாவில் திரும்ப முடியாது

11. தொழிலாளியின் கஃபீல் / நிறுவனத்தில் வேலை செய்யாமல், தன்னுடைய நிறுவனத்தில் வேலை செய்ய வாய்ப்பளிக்கும் வெளிநாட்டு முதலாளிகள் (இக்காமா உள்ளவர்கள்) குற்றமிழைத்தவர் ஆவர்.

மீறினால்: SR 5000 அபராதம் அல்லது ஒரு மாத சிறைத் தண்டனை அல்லது இரண்டும்

12. மாதா மாதம் அல்லது வருடத்திற்கு பணம் பெற்றுக் கொண்டு, தொழிலாளர்களை சொந்தமாக தொழில் செய்ய அனுமதிப்பதும், அல்லது பிற நிறுவனங்களில் வேலை செய்ய அனுமதிப்பதும் (கூலி கஃபீல்) குற்றமாகும்.

மீறினால்: கூலி கஃபீலுக்கு முதல் முறை - SR 5000 அபராதம் & ஒரு மாத சிறைத் தண்டனை; இரண்டாம் முறை - SR 20000 அபராதம் & இரு மாத சிறைத் தண்டனை; மூன்றாம் முறை - SR 50000 அபராதம் & மூன்று மாத சிறைத் தண்டனை. எத்தனை பேர்களை அவ்வாறு அனுமதித்தாரோ அத்தனை முறை அபராதமும், சிறைத்தண்டனையும் கூட்டப்படும்.

13. இக்காமா இல்லாதவர்களையோ, இக்காமா காலாவதி ஆனவர்களையோ, விசா முடிந்தவர்களையோ வாகனத்தில் கொண்டு செல்வது குற்றமாகும்.

மீறினால்: முதல் முறை - SR 10000 அபராதம் & ஒரு மாத சிறைத் தண்டனை; இரண்டாம் முறை - SR 20000 அபராதம் & மூன்று மாத சிறைத் தண்டனை; மூன்றாம் முறை - SR 30000 அபராதம் & ஆறு மாத சிறைத் தண்டனை. மேலும், இக்காமா கேன்ஸல் செய்யப்பட்டு சவூதியிலிருந்து வெளியேற்றப்படுவார்.

14. வேலை செய்யாமல் ஓடி விட்டதாக ஒரு தொழிலாளி மீது தவறாக சவூதி முதலாளி (கஃபீல்) ஹுரூப் கொடுத்தல் குற்றமாகும்,

மீறினால்: SR 5000 அபராதம் மற்றும் அவரது நிறுவனம் பிளாக் லிஸ்ட் செய்யபடும்.

15. ஹுரூப் கொடுக்கப்பட்டவரை (ஓடி வந்தவரை) வேலைக்கு அமர்த்துதல் குற்றம்.

மீறினால்: ஹுரூப் கொடுக்கப்பட்டவருக்கு SR 2000 அபராதம் அல்லது இரு வாரம் சிறைத் தண்டனை மற்றும் இக்காமா கேன்ஸல் செய்யப்படும். வேலைக்கு அமர்த்தியவரின் பொறுப்பில் சவூதியை விட்டு அனுப்பப்படுவார். வேலைக்கு அமர்த்திய சவூதிக்கு முதல் முறை SR 2000 அபராதம் அல்லது இரு வாரம் சிறைத் தண்டனை; இரண்டாம் முறை SR 3000 அபராதம் அல்லது ஆறு வாரம் சிறைத் தண்டனை

16. ஹுரூப் கொடுக்கப்பட்டவரை (ஓடி வந்தவரை) அரசாங்கமோ அல்லது அவரது கஃபீலோ பிடித்தால்...

ஹுரூப் கொடுக்கப்பட்டவர் கைது செய்யப்படுவார். சவூதியை விட்டு வெளியேற்றப்படுவார். வெளியேற்றத்திற்கான செலவினை அவரை வேலைக்கமர்த்தியவர் ஏற்க வேண்டும். ஓடி வந்து சொந்தமாக தொழில் செய்தால் அவரது செலவிலேயே வெளியேற்றப்படுவார். ஓடி வந்து மூன்று மாதங்கள் ஆகிவிட்டால், கஃபீல் செலவில் அனுப்பத் தேவையில்லை. அரசே அனுப்ப ஆவண செய்யும்.

17. தொடர்ந்து எந்த காரணமுமின்றி, எந்த தகவலும் இன்றி இரு நாட்களுக்கு வேலைக்கு வராமல் இருப்பது கூடாது; அவ்வாறு வேலைக்கு வராமல் இருக்கும் தொழிலாளியைப் பற்றி உடன் ஜவஸாத்தில், அவருடைய கஃபீல்/நிறுவனம் புகார் செய்ய வேண்டும்.

மீறினால்: முதல் முறை - SR 1000 அபராதம்; இரண்டாம் முறை - SR 2000 அபராதம்; மூன்றாம் முறை - SR 3000 அபராதம்

முக நூலில் படித்தது ....

Posted by Unknown 12:27 AM 0 comments

அங்கீகரிக்கப்படாத VOIP CALL மூலம் தொலைபேசி உபயோகம் - ஐந்து இந்தியர்கள் கைது!

ஜித்தா: சவூதி அரேபியா ஜித்தாவில் இணையம் மூலம் தொலைபேசி உபயோகிக்கும் அங்கீகரிக்கப் படாத VOIP CALL அட்டைகள் விற்பனை செய்த ஐந்து இந்தியர்கள் கைது செய்யப்பட்டுள்ளனர்.

"VOIP CALL'' என அழைக்கப்படும் மிகவும் குறைந்த விலையில் உபயோகிக்கக் கூடிய இந்தவகை தொலைபேசி மென்பொருள்களை, தங்களது ஸ்மார்ட் போன்களிலோ அல்லது கணினிகளிலோ தரவிறக்கம் செய்து அதன் மூலம் வெளிநாடுகளுக்கு பேசலாம்

சவூதியில் தடை செய்யப்பட்ட இவ்வகை தொலைபேசி அட்டைகள் விற்பனை செய்த ஐந்து இந்தியர்கள் சவூதி காவல்துறையினரால் கைது செய்யப்பட்டுள்ளனர். மேலும் அவர்களிடம் சுமார் 23,000 சவூதி ரியால் மதிக்கத்தக்க அங்கீகரிக்கப்படாத தொலைபேசி அட்டைகளும் பறிமுதல் செய்யப்பட்டன.

இந்தியா, இலங்கை, பங்களாதேஷ், பாகிஸ்தான் உள்ளிட்ட ஆசிய நாடுகளைச் சேர்ந்த வளைகுடா நாட்டினர் இணையம் மூலம் இவ்வகை தொலைபேசி மென்பொருள்களை உபயோகப்படுத்தி போன் பேசி வந்த வேளையில், துபை, கத்தார், பஹ்ரைன், குவைத் உள்ளிட்ட நாடுகளில் ஏற்கனவே இவ்வகை இணைய தளங்களுக்கு முழுமையாக தடை விதிக்கப்பட்டுள்ளன.

இந்தியாவின் BSNL உள்ளிட்ட தொலைபேசி நிறுவனங்கள் இது போன்ற VOIP CALL இணைய தளங்கள் மூலம் போன் பேச அனுமதி வழங்கவில்லை என்பதும், இத்தகைய தளங்களுக்கு எதிராக நடவடிக்கைகள் எடுத்து வருவதும் குறிப்பிடத்தக்கது.

Posted by Unknown 11:50 PM 0 comments

துபாயில் வேலைக்கார பெண்களை அறையில் அடைத்து சித்ரவதை: போலீஸ் அதிகாரி மனைவியின் ருத்ரதாண்டவம்

அரபு நாடுகளில் வீட்டு வேலை செய்வதற்காக செல்லும் பெண்கள் சந்தித்து வரும் கொடுமைகள் பற்றி பல்வேறு ஊடகங்களில் செய்திகள் வந்து கொண்டிருக்கின்றன.

இருப்பினும், அரபு நாடுகளுக்கு சென்று பணம் சம்பாதிக்க வேண்டும் என்ற ஆசை ஏழ்மை நிலையில் உள்ள நாடுகளில் வசிக்கும் பெண்களுக்கு நாளுக்கு நாள் அதிகரித்துக் கொண்டே வருகிறது.

எஜமானியின் சித்ரவதையால் பிலிப்பைன்ஸ் நாட்டை சேர்ந்த 29 வயது வேலைக்காரப் பெண் துபாயில் பரிதாபமாக உயிரிழந்துள்ள சம்பவம் அரபு நாடுகளில் வேலை செய்யும் வெளிநாட்டு பெண்களை அதிர்ச்சியில் ஆழ்த்தியுள்ளது.

பிலிப்பைன்சை சேர்ந்த கதீஜா கமெல் என்ற அந்த பெண் துபாயில் உள்ள போலீஸ் அதிகாரியின் வீட்டில் கடந்த ஆண்டு அக்டோபர் மாதம் வேலைக்கு சேர்ந்தார்.

அவரது மனைவிக்கு எடுபிடி வேலைகளை செய்து வந்த அந்த பெண் 3-11 வயதிற்குட்பட்ட அவர்களின் 4 குழந்தைகளையும் கவனித்து பராமரித்து வந்தார்.

காலை மற்றும் மதிய உணவாக ஒரு கோப்பை தேநீரும், ஒரு துண்டு ரொட்டியும் தந்துவிட்டு நாள் முழுக்க வேலை வாங்கிய எஜமானி, இரவில் சாப்பிட எதுவும் தராமல் பட்டினியாகவே படுக்க சொல்வாராம்.

வீடு முழுவதும் பொருத்தப்பட்டிருக்கும் சி.சி.டி.வி. மூலம் கதீஜாவை எந்நேரமும் கண்காணித்து சிறிய தவறுகளுக்கு எல்லாம் ரத்தம் வடியும்படி பிரம்பால் அடித்து கொடுமைப்படுத்தியுள்ளார்.

சில வேளைகளில் அவரது தலையை சுவற்றில் மோதி காயப்படுத்தி சித்ரவதை செய்தும் அந்த ஈவிரக்கமில்லாத எஜமானி ஆனந்தமடைந்துள்ளார்.

இதேபோல் அந்த வீட்டில் வேலை செய்யும் இன்னொரு பெண்ணையும் அவர் சித்ரவதை செய்து வந்துள்ளார்.

பல வேளைகளில் துடைப்பம், செருப்பு போன்றவற்றால் அடித்தும் தனது உள்ளாடையை முகர்ந்துப் பார்க்கும் படியும் வற்புறுத்திய அந்த ராட்சசி, வேலைக்கார பெண்கள் இருவரையும் பலமுறை நிர்வாணப்படுத்தி தனது செல்போனில் படம் பிடித்துள்ளார்.

எனது கணவர் போலீஸ் அதிகாரியாக இருப்பதால் எங்களை யாரும் ஒன்றும் செய்ய முடியாது என்று அடிக்கடி கூறி வந்த அவர், நான்கைந்து நாட்களுக்கு உணவு தராமல் தனியறையில் அடைத்து வைத்து 2 வேலைக்காரிகளில் ஒருவருக்கும் மட்டும் உணவு தந்து அதை மற்றொரு பெண் பார்த்து ஏங்கும்படி கொடுமைப்படுத்தியுள்ளார்.

போதிய ஊட்டச்சத்து கிடைக்காததால் குற்றுயிராக கிடந்த அவர் ஆஸ்பத்திரியில் சிகிச்சை பெற்று வந்தார். சிகிச்சை பலனின்றி கதீஜா பரிதாபமாக உயிரிழந்ததால், கொடுமைக்கார எஜமானி, அவரது போலீஸ்கார கணவர் ஆகியோர் மீது துபாய் கோர்ட்டில் பெண்களை அடைத்து வைத்து சித்ரவதை செய்தது, ஒரு பெண்ணின் மரணத்துக்கு காரணமாக இருந்தது போன்ற குற்றச்சாட்டின் கீழ் வழக்குப் பதிவு செய்யப்பட்டுள்ளது.

இந்த வழக்கின் மறு விசாரணை ஜூலை 1ம் தேதிக்கு ஒத்தி வைக்கப்பட்டுள்ளது.

Posted by Unknown 12:48 AM 0 comments

வெளிநாட்டினர் வெளியேற்றப்படுவது கேவலமானது - குவைத் உயரதிகாரி

குவைத்: குவைத்தில் வசித்து வரும் பிற நாட்டவர்களை குறி வைத்து அவர்களை வெளியேற்றும் நோக்குடன் கடுமையான சோதனை நடைபெறுவது குறித்து ஏற்கனவே செய்தி வெளியிட்டிருந்தோம்.

தற்போதைய நிகழ்வுகள் குறித்து குவைத் வெளிநாட்டு தொழிலாளர்கள் அமைப்பு (Kuwait Expatriate Labour Forces - KTUF) கடுமையாக கேலி செய்துள்ளது.

இதன் தலைமை இயக்குனர் அப்துல் ரஹ்மான் அல்கானிம் குறிப்பிடுகையில், வெளிநாட்டினர் கைது செய்யப்படும் போது அவர்களுக்கு தகுந்த கால அவகாசம் கொடுக்காமல் வெளியேற்றம் செய்யப்படுவதை கடுமையாக சாடியுள்ளார். வெளி நாட்டிலிருந்து பணி புரிய குவைத் வந்திருக்கும் பணியாளர்கள் மீது நடவடிக்கை எடுக்கும் அரசு, அவர்களுக்கு விசா வழங்கும் ஸ்பான்சர்கள் மீதும், விசா வர்த்தகர்கள் (Visa Traders) மீதும், தங்களுடைய செல்வாக்கை பயன்படுத்தி போலி நிறுவனங்களை நடத்துபவர்கள் மீதும் ஏன் எந்த நடவடிக்கையும் எடுப்பதில்லை என்று கேள்வி எழுப்பியுள்ளார். 

இத்தகைய வெளியேற்ற நடவடிக்கை, ஒழுங்கற்ற தொழிலாளர் சந்தை மீதும் அதற்கு காரணமானவர்கள் மீதும் நடவடிக்கை எடுக்காதவரை எத்தகைய பயனையும் தாரது என்று அவர் குறிப்பிட்டுள்ளார். மாறாக பிற நாட்டினர் மத்தியில் குவைத்தின் மதிப்பை இது குறைக்கவே செய்யும் என்று கூறினார். 

மேலும், கைது செய்யப்படும் நபர்கள் சார்ந்த நாட்டின் தூதரகதிற்கு தகவல் கொடுக்காமலும், அவர்களது உடைமை மற்றும் பொருட்களை எடுப்பதற்கு போதுமான அவகாசம் கொடுக்காமலும் அவர்களை குவைத்தை விட்டு வெளியேற்றியமை குவைத்தை வரலாற்றில் இருண்ட நிலைக்கு கொண்டு சென்று விடும் என்று குறிப்பிட்டார். இது போன்ற நடவடிக்கைகளால் பிற நாடுகளுடனான இராஜிய உறவுகள் பாதிக்கபடுவது மட்டுமின்றி இவை முற்றிலும் கேவலமானது என்றும் குறிப்பிட்டார்.

இச் செய்தியுடன் தொடர்புடையவை..

குவைத் சட்டங்கள் பற்றிய சில தகவல்கள்

குவைத் வாழ் தமிழர்கள் கவனத்திற்கு...

தகவல்: எச்.உமர் ஃபாரூக், குவைத்

இந்நேரம் 

Posted by Unknown 2:19 AM 0 comments

குவைத் சட்டங்கள் பற்றிய சில தகவல்கள்

குவைத்: வளைகுடா நாடுகளில் ஒன்றான குவைத்தில் அங்கு வசித்து வரும் பிற நாட்டவர்களை வெளியேற்றும் நோக்குடன் கடுமையான சோதனைகள் நடைபெறுவது குறித்து ஏற்கனவே சில செய்திகளை வெளியிட்டிருந்தோம்.

இத்தருணத்தில் குவைத்தில் வசித்து வரும் தமிழர்கள் குவைத்தின் சட்ட விதிகளைப் பற்றி தெளிவு பெற்று பாதுகாப்புடன் இருக்கும் நோக்குடன் இக்கட்டுரை வெளியிடப்படுகின்றது. மேலும் சில சட்ட விதிகள் ஏறகனவே பிரசுரிக்கப்பட்டுள்ள செய்திக் கட்டுரையில் வெளியிடப்பட்டுள்ளது.

ஃகாதீம் என்று அழைக்கப்படும் வீட்டுப்பணியாள் விசாவில் வேலைக்கு வந்து, பணிக்கு எடுத்தவரிடம் (ஸ்பான்சர்) பணிபுரியாமல் வேறு ஒருவரிடம் பணிபுரிவது குற்றம் ஆகும். தற்போது நடைபெற்று வரும் சோதனை இத்தகையோருக்கே பெரும் பாதிப்பை ஏற்படுத்தியுள்ளது. குறிப்பாக ஸ்பான்சர் வசிக்கும் முகவரியல்லாத இடத்தில் அந்த நபர் வசிப்பதே குற்றமாக கருதப்படும்.

குடும்பச் சார்பு விசாவில் (Family - Dependent visa) கணவருடைய ஸ்பான்சர்ஷிப் கீழ் இருக்கும் உறுப்பினர்கள் நிறுவனங்களிலோ அல்லது பிறரிடமோ பணிபுரிதல் சட்ட விதிகளின்படி குற்றமாகும். இல்லதரசிகள் பலர் பள்ளிக்கூடங்களில் ஆசிரியைகளாகவும், நிறுவனங்களில் செயலாளர் (Secretary) உள்ளிட்ட பணிகளையும் செய்து வருகின்றனர். இவர்களுக்கும் இந்த சோதனை அதிக பாதிப்பை ஏற்படுத்துகிறது.

வாகனம் வைத்திருப்போர் தாங்கள் பணிக்குச் செல்லும் போது பிறரை தங்களுடைய வாகனத்தில் ஏற்றிச் செல்வதையும் இதற்கு மாதக்கட்டணம் பெற்றுக் கொள்வதையும் வழக்கமாக கொண்டுள்ளனர். வாடகைப் வாகன  உரிமம் (Taxi License) பெற்றிருப்பவர்கள் தவிர பிறர் இது போன்ற தொழிலில் ஈடுபடுதல் சட்ட விதிகளின்படி குற்றச் செயலாகும். இவர்களும் தற்போதய சோதனையால் பாதிக்கபடுகின்றனர்.

சோதனை நடைபெறும் போது குவைத் காவல்துறையினரில் பெரும்பாலோர் நாம் சொல்வதை காது கொடுத்துக் கேட்க கூடிய இயல்பு நிலையில் இருப்பதில்லை. இதனால் முறையான ஆவணங்களை பெற்றிருப்போர் கூட பல சமயங்களில் பாதிக்கப்பட்டு அலை கழிக்கப்பட கூடிய சூழல் நிலவி வருகின்றது.

தொகுப்பு: எச்.உமர் ஃபாரூக், குவைத்

இந்நேரம் 

Posted by Unknown 1:53 AM 0 comments

சவுதி அரேபியா: மனைவியை கன்னத்தில் அறைந்த கணவனுக்கு 30 சவுக்கடிகள் தண்டனை-

 சவுதி அரேபியாவில் மனைவியை கன்னத்தில் அறைந்த கணவனுக்கு 30 சவுக்கடிகளும் 10 நாள் சிறை வாசமும் தண்டனையாக வழங்கப்பட்டுள்ளது.

சவுதி அரேபியாவின் கதிப் மாவட்டத்தில் உள்ள சஃப்வா நகரில் வசிக்கும் ஒரு பெண், தனது கணவர் கன்னத்தில் அறைந்து காயப்படுத்தி விட்டதாக போலீசிசல் புகார் அளித்திருந்தார்.

இது தொடர்பான வழக்கு நீதிமன்றத்தில் நடைபெற்ற போது, குற்றத்தை ஒப்புக்கொண்ட கணவர், ‘எனது பெற்றோரிடம் மரியாதை குறைவாக நடந்துக் கொண்டதால் அவளை கன்னத்தில் அறைந்தேன்’ என வாதிட்டார்.

இருதரப்பு வாதங்களையும் கேட்ட நீதிபதி, கணவனுக்கு 30 சவுக்கடிகளும் 10 நாள் சிறை தண்டனையும் வழங்கி தீர்ப்பளித்தார். சவுக்கடி தண்டனை நிறைவேற்றப்படும் இடத்தில் மனைவி பார்வையிட விரும்பினால் அதற்கு தடை விதிக்க கூடாது என்றும் நீதிபதி அனுமதி அளித்தார்.

சிறை தண்டனை முடிந்த பின்னர் மனைவியரை எப்படி நடத்துவது என்ற ‘கவுன்சிலிங்’ வகுப்பில் கணவர் சில நாட்கள் பயிற்சி எடுக்க வேண்டும் எனவும் நீதிபதி அறிவுரை கூறியுள்ளார்.

Posted by Unknown 1:39 AM 0 comments

குவைத் வாழ் தமிழர்கள் கவனத்திற்கு...

குவைத்தில் நிலவி வரும் கடும் போக்குவரத்து நெரிசல் காரணமாகவும், சட்டத்திற்கு புறம்பான வகையில் குவைத்தில் வசித்து வரும் பிற நாட்டவர்களை வெளியேற்றும் நோக்குடனும் குவைத் அரசும் காவல்துறையும் கடந்த 2 மாத காலமாக சோதனையில் ஈடுபட்டுள்ளன. அண்மைய காலத்தில் இச்சோதனை மிகவும் கடுமையாக்கப்பட்டுள்ளது.

குவைத்தில் வெளிநாட்டவர்கள் தங்கியிருக்கும் பல்வேறு பகுதிகளில் குறிப்பாக ஷர்ஃக், பினைத் அல் கர், தஸ்மா, அப்பாஸியா போன்ற பகுதிகளில் முழூவிழ்ச்சில் சோதனைகள் நடக்கவிருப்தாக செய்திகள் தெரிவிக்கின்றன. 

ஆகவே, தமிழர்கள் அனைவரும் முன் எச்சரிக்கையோடு இருக்கும்படியும் தங்களுடைய அடையாள அட்டை (Civil ID), கடவுச்சீட்டு (Passport) உள்ளிட்ட ஆவணங்களை தங்கள் வசம் பாதுகாப்பாக வைக்கும்படியும், குடும்பத்துடன் வசிப்பவர்கள் திருமண சான்றிதழ் (Marriage Certificate) போன்ற ஆவணங்களை காவல்துறையினர் சோதனையின் போது சரிபார்க்க கேட்கும் சமயத்தில் கொடுக்க கூடிய வகையில் தயாராகவும் வைத்திருக்கவும்.

 வாகனங்கள் வைத்திருப்பவர்கள் அரபி சரியான முறையில் பேச தெரியாவிட்டால் தங்கள் குடும்பத்தினர் மற்றும் நிறுவனத்தினர் தவிர நண்பர்கள் உள்ளிட்ட வெளி நபர்கள் யாரையும் வாகனத்தில் ஏற்றிச் செல்ல வேண்டாம். குறிப்பாக விமான நிலையத்திற்கு அவர்களை விட்டு வர, அழைத்துச் செல்ல வேண்டாம். தங்களது வாகன பதிவு அட்டை (Registration Book) வாகனத்தில் இருக்கிறதா? என்பதை உறுதி செய்து கொண்டு வாகனத்தில் அமரவும்

 குவைத்தில் நடைபெற்ற சமீபத்திய சோதனைகள்:

https://www.facebook.com/photo.php?v=418570114907857&set=vb.198076380290566&type=3&theater

https://www.facebook.com/photo.php?v=418921554872713&set=vb.198076380290566&type=3&theater

https://www.facebook.com/photo.php?v=607849862566535&set=vb.100000245815241&type=2&theater

​​https://www.facebook.com/photo.php?v=438337122928841


இது குறித்த குவைத்தில் வெளிவரும் நாளிதழ் ஒன்றில் வெளிவந்துள்ள செய்தியின் தமிழாக்கம் கீழே தரப்பட்டுள்ளது.

கடந்த சில மாதங்களாக குவைத்தில் வெளிநாட்டவர்கள் வெளியேற்றம்  நடைபெறுகிறது. வெளியேற்றம் குறித்த சரியான காரணங்கள் இல்லாததால், வெளியேற்ற செயல்முறை பற்றி தெளிவின்மையால் வெளிநாட்டவர்கள் மத்தியில் அச்சமும்  குழப்பமும், பீதியும் ஏற்பட்டுள்ளதுடன் சிறு சிறு போக்குவரத்து தவறுகளுக்கு கூட வெளிநாட்டவர்கள் நாடு கடத்தப்பட்டு வருகின்றனர் என்ற பயம் காட்டுத்தீ போல் பரவி வருகிறது. இது குறித்து அரப் டைம்ஸ் நாளிதழ் உள்துறை அமைச்சகம் மற்றும் வெளிநாட்டு தூதரகங்கள் அமைச்சகத்தின் வழக்கறிஞர்கள் மற்றும் அதிகாரிகளை அணுகி பெற்ற விபரங்களாவன:

கடுமையான போக்குவரத்து மீறல்களுக்கு இதுவரை 2,000 வெளி நாட்டினர் வெளியேற்றபட்டு விட்டனர் என உள்துறை அமைச்சக கர்னல் ஆதில் அல் ஹஷாஷ் அதிகாரப்பூர்வமாக தெரிவித்துள்ளார். மேலும், ஒருவர் மூன்றுக்கும் மேற்பட்ட கடுமையான போக்குவரத்து மீறல்களைச் செய்தால் அவர் நாடு கடத்துபடுவது சட்டத்தின் படி உள்ளது எனவும், சிவப்பு விளக்கு சமிக்ஞையை தாண்டுவது, அதிவேகம், உரிமம் இல்லாமல் வாகனம் ஓட்டுவது போன்றவை தீவிர போக்குவரத்து மீறல்களாக கருதப்படுகின்றன எனவும் அவர் தெரிவித்தார்.

ஒவ்வொருவரும் தான் வசிக்கும் நாட்டின் சட்டங்களுக்கு உட்பட்டு நடக்கத்தான் வேண்டும் என்று வலியுறுத்தியுள்ள கர்னல், நாட்டின் குடியேற்ற சட்டங்களை மீறுபவர்கள் மீது நடவடிக்கை எடுக்கப்படத்தான் வேண்டும். ஆகவே, இந்நாட்டு சட்டங்களை மதித்து நடக்க முடியாது எனில் அவர்கள் சொந்த நாட்டிற்கு அனுப்பப்படுவதில் தவறேதும் இல்லை என்று தொண்டு நிறுவனங்கள் மற்றும் சிவில் சமூக உறுப்பினர்களின் ஆட்சேபனைகளுக்கு அவர் பதில் கூறினார்.  

சில கவனக்குறைவு ஓட்டுநர்கள் காரணமாக பல குடும்பங்கள் பாதிக்கப்படுகின்றனர் என்பதை குறிப்பிட்ட கர்னல், சோதனையின் போது கைது செய்யப்படுபவர்கள் அன்றைய தினமே அவரவர் சொந்த நாட்டிற்கு அனுப்பபடுகிறார்கள் என்பதையும், வீடு வீடாக சோதனை நடக்கிறது என்பதையும் உறுதியாக மறுத்தார்.

எனினும், ஜ்லீப் அல் ஷ்யூக், சால்மியா மற்றும் சில பகுதிகளில் தனியார் அடுக்கு மாடி குடியிருப்புகளில் நடத்தப்பட்ட காவல்துறை சோதனைகள் பற்றி புகார்களை அரபு டைம்ஸ் நாளிதழ் பெற்றுள்ளது. 

தொழிலாளர் துறை வழக்கறிஞரான அல் ரியாஹி முசாஇத் வெளியேற்ற நடைமுறைகள் குறித்து கூறியதாவது:

குடியுரிமை இல்லாதவர்கள், நாள் ஒன்றுக்கு குவைத் தினார் 2 வீதம் அபராதம் செலுத்தி அதனை புதுபித்து கொள்ளலாம். அவ்வாறு புதுப்பித்துக் கொள்ளாதவர்கள் தான் நாடு கடத்தபடுவர். அவர்கள் மீது எவ்வித குற்றவியல் வழக்கும் நிலுவையில்  இல்லாத நிலையில் வெளியேற்றத்துறை அவர்களுடைய ஸ்பான்ஸரை அழைத்து அவரது பாஸ்போர்ட் மற்றும் அவரது இதர உடமைகள் குறித்து அறியும். அவர் பணிபுரியும் நிறுவனத்திடமிருந்து அவருக்கு சேர வேண்டிய சம்பளம் மற்றும் இதர வரவுத் தொகை எதுவும் இருக்குமானால் அவற்றைப் பெற்றுக் கொடுக்கப்படும். அல்லது அவர் தன்னுடைய நாட்டிலிருந்து சர்வதேச வழக்குரைஞரை நியமித்து தன்னுடைய பொருள்கள் மற்று இதர வரவுகளை பெற வழிவகை உண்டு.

ஆனால் போதிய பண வசதி இல்லாத காரணத்தால் வெளிநாட்டவர்கள் சர்வதேச வழக்குரைஞரை நியமிக்காமல், தங்களுக்கு சேர வேண்டியவைகளை பெறாமலேயே செல்ல கூடிய நிகழ்வுகள் நடக்கின்றன.

எதையும் பெறாமல் ஒருவர் நாடு கடத்தப்பட்டால், அவர் தனக்கென்று ஒருவரை நியமித்து விட்டுச் செல்லலாம், இதன் மூலம் அவருடைய வங்கி பாக்கி மற்றும் உடைமைகளை பெற்றுக் கொள்ளலாம்.  நாடு கடத்தப்படுபவருடைய அடையாள அட்டையை தனக்கு நம்பிக்கையான நபர்களிடம் கொடுத்துவிட்டு சென்றால் அதுவே இதற்கு போதுமானதாகும்.

நாடு கடத்தல் இரண்டு வகைப்படுகின்றன. ஒன்று வழக்கு சம்மந்தப்பட்டது; இதில் வழக்கறிஞர் வைத்து வாதாட கூடிய வாய்ப்பு உள்ளது. மற்றது, நடைமுறை நிர்வாகம் சார்ந்த அட்மினிஸ்ட்ரேடிவ் நாடு கடத்தல், இதை ஒன்றும் செய்ய முடியாது.

நாடு கடத்தப்படுபவர்கள் 5 வருடங்களுக்கு குவைத் உள்ளிட்ட எந்த வளைகுடா நாட்டிற்கும் செல்ல முடியாது. கணவர் நாடு கடத்தப்பட்டு, மனைவி அவருடைய ஸ்பான்ஸர்ஷிப்பில் இருக்கும் பட்சத்தில் அவர்களுடைய குடியுரிமையும் செல்லாததாக ஆகிவிடுகின்ற காரணத்தால் அவர்களும் உடனடியாக குவைத்தை விட்டு வெளியேற வேண்டும். மனைவி பணியிலிருந்து அவரது குடியுரிமையை அவர் சார்ந்துள்ள நிறுவனம் ஸ்பான்ஸர் செய்தால், அவர் உள்துறை அமைச்சகத்தை அணுகி தங்களுடைய குழந்தைகளை தன்னுடைய ஸ்பான்ஸர்ஷிப்பின் கீழ் கொண்டு வரலாம். இருப்பினும், சட்ட விதிகளின்படி பெண் ஸ்பான்சர் செய்ய முடியாது என்பதால் இதுவும் கடினமே. 

தொகுப்பு: எச்.உமர் ஃபாரூக், குவைத்

இந்நேரம் 

Posted by Unknown 1:33 AM 0 comments

சிரியாவில் சரின் என்னும் ரசாயனம் மூலம் தாக்குதல்

சிரியா: சிரியாவில் கிளர்ச்சிப் படையினருக்கு எதிராக 'சரின்' என்ற ரசாயனம் மூலம் தாக்குதல் நடத்தப் பட்டுள்ளதாகக் கூறப் படுகிறது.

மத்தியக் கிழக்கு நாடான சிரியாவில் நடைபெறும் உள் நாட்டுப் போரில் நரம்பு மண்டலத்தைப் பாதிக்கும் ''சரின்'' என்னும் ரசாயனம் பயன்படுத்தப்பட்டதற்கான வலுவான ஆதாரம் இருப்பதாக பிரான்ஸும், பிரிட்டனும் கூறியுள்ளன. இதில் பொதுமக்கள் பெரிதும் பாதிக்கப் பட்டுள்ளதாகக் கூறப் படுகிறது.

தாக்குதலுக்கு உள்ளானவர்களிடம் நடத்தப் பட்ட இரத்த பரிசோதனையில், அவர்களது இரத்தத்தில் அந்த சரின் வேதிப் பொருள் இருந்தமை கண்டுபிடிக்கப்பட்டதாக வெளியுறவு அமைச்சர் லோரண்ட் ஃபபியஸ் கூறியுள்ளார்.

ஜனவரி தொடக்கத்தில் அமெரிக்காவின் புலனாய்வுத் துறையினால் சேகரிக்கப் பட்ட தகவல்களின் படியும் சிரியாவில் ரசாயன ஆயுதங்கள் உபயோகிக்கப் பட்டு வருகின்றன என்று கூறப்பட்டிருந்தது.

இந்நேரம் 

Posted by Unknown 1:48 AM 0 comments